ហ្គោលដេន អេហ្វអិកស៍ លីង ឃែភីថល | សំណួរដែលសួរញឹកញាប់

សំណួរដែលសួរញឹកញាប់

ចូល

របៀបដោះស្រាយ “ឈ្មោះអ្នកប្រើ ឬលេខសម្ងាត់ខុស” ?

1. ប្រសិនបើអ្នកទទួលបានសារ “ឈ្មោះអ្នកប្រើ ឬលេខសម្ងាត់ខុស” ក្នុងពេលអ្នកចូលក្នុងគណនីពិតប្រាកដនៃវេទិកាជួញដូររបស់ក្រុមហ៊ុន ហ្គោលដេន អេហ្វអិកស៍ លីង ឃែភីថល ឯ.ក មានន័យថា ឈ្មោះអ្នកប្រើ ឬលេខសម្ងាត់ដែលអ្នកបញ្ចូល គឺខុសហើយ។
ដោះស្រាយកំហុសនៃការចូល ដោយអនុវត្តតាមជំហានដូចខាងក្រោម៖
- ប្តូរពី “Connect (ភ្ជាប់)” ទៅ “REAL (ពិតប្រាកដ)” ដើម្បីភ្ជាប់គណនីពិតប្រាកដ។
- លុបឈ្មោះអ្នកប្រើ និងលេខសម្ងាត់នៅក្នុងតារាងនីមួយៗ។
- ពិនិត្យមើលកំណត់ត្រារបស់អ្នកដើម្បីធានាថា ID ចូល និងលេខសម្ងាត់ គឺត្រឹមត្រូវហើយបន្ទាប់មកវាយឡើងវិញនូវ ID ចូល និងលេខសម្ងាត់។
- ចូរកុំកូពី ហើយផាស ID ចូលរបស់អ្នក ឬលេខសម្ងាត់ ដើម្បីជៀសវាងតួអក្សរលើស។

2.អ្នកអាចបង្កើតឡើងវិញនូវលេខសម្ងាត់របស់អ្នកតាមអនឡាញដោយបញ្ជូនទម្រង់បែបបទសុំប្ដូរលេខសម្ងាត់ទៅកាន់អ៊ីម៉ែល enquiry@goldenfxlink.com។ លេខសម្ងាត់បណ្តោះអាសន្នមួយនឹងត្រូវបានផ្ញើទៅកាន់អ៊ីមែលរបស់អ្នក ហើយអ្នកអាចផ្លាស់ប្តូរលេខសម្ងាត់របស់អ្នកបានក្រោយពេលដែលអ្នកចូលក្នុងគណនីរបស់អ្នក។ ប្រសិនបើអ្នកនៅតែមិនអាចបង្កើតឡើងវិញនូវលេខសម្ងាត់របស់អ្នក អ្នកអាចទាក់ទងមកអ្នកប្រឹក្សាហិរញ្ញវត្ថុរបស់អ្នក ឬតំណាងផ្នែកសេវាអតិថិជនរបស់យើង។

របៀបបង្កើតឡើងវិញនូវលេខសម្ងាត់ក្នុងវេទិការជួញដូរ?

1.អ្នកអាចបង្កើតឡើងវិញនូវលេខសម្ងាត់របស់អ្នកតាមអនឡាញដោយបញ្ជូនទម្រង់បែបបទសុំប្ដូរលេខសម្ងាត់ទៅកាន់អ៊ីម៉ែល enquiry@goldenfxlink.com។ លេខសម្ងាត់បណ្តោះអាសន្នមួយនឹងត្រូវបានផ្ញើទៅកាន់អ៊ីមែលរបស់អ្នក ហើយអ្នកអាចផ្លាស់ប្តូរលេខសម្ងាត់របស់អ្នកបានក្រោយពេលដែលអ្នកចូលក្នុងគណនីរបស់អ្នក។ ប្រសិនបើអ្នកនៅតែមិនអាចបង្កើតឡើងវិញនូវលេខសម្ងាត់របស់អ្នក អ្នកអាចទាក់ទងមកអ្នកប្រឹក្សាហិរញ្ញវត្ថុរបស់អ្នក ឬតំណាងផ្នែកសេវាអតិថិជនរបស់យើង។

ការជួញដូរ

តើអ្វីជាម៉ាជីន?

ម៉ាជីនអាចត្រូវបានចាត់ទុកថាជាប្រាក់កក់ជាក់ស្តែងដែលរក្សាជំហរការជួញដូររបស់អ្នក។ វាមិនមែនជាថ្លៃ ឬសោហ៊ុយប្រតិបត្តិការហិរញ្ញវត្ថុទេ ប៉ុន្តែនឹងក្លាយជាផ្នែកមួយនៃតម្លៃសុទ្ធនៃគណនីរបស់អ្នកដែលត្រូវបានកំណត់មួយឡែក និងបែងចែកជាប្រាក់កក់។

ហេតុអ្វីត្រូវការការជួញដូរម៉ាជីន?

ការជួញដូរម៉ាជីន (ការជួញដូរឡេវឺរេច) គឺជាការទាក់ទាញទូទៅមួយនៃទីផ្សាររូបិយវត្ថុបរទេសដែលអនុញ្ញាតឲ្យអ្នកធ្វើប្រតិបត្តិការទឹកប្រាក់នៃការជួញដូរដែលច្រើនជាងទឹកប្រាក់នៃការជួញដូរនៅក្នុងគណនីបច្ចុប្បន្នរបស់អ្នក។ ការជួញដូរម៉ាជីន អាចផ្តល់ឥទ្ធិពលទាំងវិជ្ជមាន និងអវិជ្ជមានទៅលើបទពិសោធន៍នៃការជួញដូររបស់អ្នក ដោយសារការបង្កើនប្រាក់ចំណេញ និងប្រាក់ខាតដែលអាចកើតមានរបស់អ្នក។ ដោយហេតុនេះ ការជួញដូររូបិយប័ណ្ណបរទេសដែលប្រើប្រាស់ឡេវឺរេចជាឆន្ទានុសិទ្ធិអាចមានភាពមិនសមស្របសម្រាប់អតិថិជនទាំងអស់។

របៀបកំណត់ការបញ្ជាទិញលើទីផ្សារ?

សូមអនុវត្តតាមជំហានសាមញ្ញនៅក្នុងផ្ទាំង “Market Watch Window” នៅលើវេទិកាជួញដូររបស់ក្រុមហ៊ុន ហ្គោលដេន អេហ្វអិកស៍ លីង ឃែភីថល ឯ.ក៖
1. ចុចលើ “ទិញ” ឬ “លក់” នៅលើគូរូបិយវត្ថុដែលអ្នកចាប់អារម្មណ៍។
2. ផ្ទាំង “បង្កើតការបញ្ជាទិញលើទីផ្សារ” នឹងបង្ហាញឡើង និងធ្វើផ្លាស់ប្តូររាល់ផ្នែកដែលមានការពាក់ព័ន្ធទាំងអស់ទៅកាន់ការបញ្ជាទិញលើទីផ្សារដែលអ្នកចាប់អារម្មណ៍ រួមទាំងមុខទំនិញនិងបរិមាណ លក់/ទិញ ។
3. ចុចលើពាក្យ “យល់ព្រម” ដើម្បីដាក់ការបញ្ជាទិញ និងអនុវត្តតាមតម្លៃដែលមាននាពេលបន្ទាប់។
4. រាល់សេចក្តីណែនាំនឹងមាននៅលើ “ផ្ទាំងសង្ខេប” នៅពេលដែលការបញ្ជាទិញត្រូវបានអនុវត្តអ្នកអាចចាត់ចែងការកាន់កាប់ទ្រព្យសរុបរបស់អ្នកនៃគូរូបិយវត្ថុទាំងនោះ។

តើកំណត់ការបញ្ជាទិញលក់ទុកមុនដោយរបៀបណា?

តម្លៃនៃការបញ្ជាទិញលក់ទុកមុននឹងត្រូវបានកំណត់នៅក្នុងផ្ទាំង “Spot open” ដោយយោងទៅតាមចំនួនប្រតិបត្តិការនៃការបញ្ជាទិញលក់ទុកមុននីមួយៗ។ ដើម្បីបង្កើតការបញ្ជាទិញលក់ទុកមុន៖
1. ផ្ទាំង “ទិញ/លក់ទុកមុន” នឹងបង្ហាញឡើង និងធ្វើផ្លាស់ប្តូររាល់ផ្នែកដែលមានការពាក់ព័ន្ធទាំងអស់ទៅកាន់ការបញ្ជាទិញលើទីផ្សារដែលអ្នកចាប់អារម្មណ៍រួមទាំងតម្លៃទិញលក់ទុកមុន។
2. ចុចលើ “យល់ព្រម” ដើម្បីដាក់ការបញ្ជាទិញរបស់អ្នកដែលកំពុងរង់ចាំការប្រតិបត្តិការហើយវានឹងត្រូវបានអនុវត្តនៅពេលតម្លៃឈានដល់តម្លៃបញ្ជាទិញលក់ទុកមុនរបស់អ្នក។
3. ក្រោយពេលដាក់ការបញ្ជារួចសេចក្តីណែនាំស្តីអំពីការបញ្ជាទិញលក់ទុកមុននឹងបង្ហាញឡើងរហូតដល់ជំហរជួញដូររបស់អ្នកត្រូវបានបិទ។

បើកគណនី

តើអ្វីជាវិធីលឿនជាងគេបំផុតដើម្បីបើកគណនីពិតប្រាកដមួយ?

វិធីដែលលឿនជាងគេបំផុតដើម្បីបើកគណនី គឺតាមរយៈការស្នើសុំលើអនឡាញ។ អ្នកអាចចាប់ផ្តើមការជួញដូររបស់អ្នកបានក្នុងរយៈពេល ២ ម៉ោង ប្រសិនបើអ្នកបើកគណនីអនឡាញ និងបានដាក់ប្រាក់តម្កល់ដោយជោគជ័យ។ ការបើកគណនីមួយមានភាពសាមញ្ញបំផុត និងត្រូវមានត្រឹមតែ ៣ ដំណាក់កាលប៉ុណ្ណោះ៖
1. ចំណាយពេលពីរ បីនាទីដើម្បីបំពេញទម្រង់ពាក្យស្នើសុំអនឡាញ។
2. ព្រីនឯកសារចេញ ហើយស៊ីញ៉េរ លើទម្រង់ពាក្យស្នើសុំ (កិច្ចព្រមព្រៀងអតិថិជន)។ បញ្ជូនកិច្ចព្រមព្រៀងនោះជាមួយនឹង អត្តសញ្ញាណប័ណ្ណ ឬ ឯកសារផ្លូវការដទៃផ្សេងទៀត និងប្រាក់តម្កល់ចំនួន ២០០០ ដូល្លារ នៅបញ្ជីរបេឡារបស់យើងខ្ញុំ។
3. គណនីជួញដូរលម្អិត នឹងត្រូវបានផ្ញើរទៅកាន់អ៊ីម៉ែលរបស់អ្នក បន្ទាប់ពីការទួស័ព្ទបញ្ជាក់ត្រូវបានធ្វើ។

តើនឹងមានការគិតថ្លៃសេវាចំពោះការបើកគណនីដែរឬទេ?

ក្រុមហ៊ុន ហ្គោលដេន អេហ្វអិកស៍ លីង ឃែភីថល ឯ.ក មិនមានគិតថ្លៃលើការបើកគណនីឡើយ។

តើហេតុអ្វីខ្ញុំត្រូវការផ្តល់ឯកសារបញ្ជាក់អត្តសញ្ញាណក្នុងការបើកគណនី?

ដំណើរការត្រូវបានបង្កើតឡើងដើម្បីធានាថា ព័ត៌មានរបស់អតិថិជន គឺជាព័ត៌មានត្រឹមត្រូវ និងពិតប្រាកដដើម្បីការពារអតិថិជនរបស់យើងពីការក្លែងបន្លំ។ ក្រុមហ៊ុន ហ្គោលដេន អេហ្វអិកស៍ លីង ឃែភីថល ឯ.ក ទទួលយកប្រព័ន្ធកំណត់អត្តសញ្ញាណ និងផ្ទៀងផ្ទាត់ផ្សេងគ្នា ដើម្បីបញ្ជាក់អត្តសញ្ញាណរបស់អតិថិជន។

តើព័ត៌មានអ្វីដែលតម្រូវអោយបញ្ចូលទៅក្នុងរូបថតឯកសារអត្តសញ្ញាណប័ណ្ណ ដែលមានចេញដោយរដ្ឋាភិបាល?

ឯកសាររូបថតអត្តសញ្ញាណដែលមានចេញដោយរដ្ឋាភិបាលត្រូវតែមានឈ្មោះ និងថ្ងៃខែឆ្នាំកំណើតរបស់អ្នកដែលបង្ហាញនៅក្នុងកិច្ចព្រមព្រៀងជួញដូរ។ ឯកសារអត្តសញ្ញាណផ្ទាល់ខ្លួនដែលផុតកំណត់នឹងមិនត្រូវបានទទួលយកឡើយ។ ទោះជាយ៉ាងណាក៏ដោយប្រសិនបើអ្នកបានទទួលការអនុញ្ញាតក្នុងការបន្តសុពលភាពឯកសារដែលផុតកំណត់រួចហើយក្តីសូមភ្ជាប់មកជាមួយឯកសារបញ្ជាក់រួមជាមួយនឹងឯកសារបន្តសុពលភាពដែលពាក់ព័ន្ធ។

តើខ្ញុំអាចប្រើអាស័យដ្ឋានក្រុមហ៊ុន ជំនួសអោយអាស័យដ្ឋានស្នាក់នៅបានឬទេ?

លិខិតបញ្ជាក់អាស័យដ្ឋាន ត្រូវបានប្រើប្រាស់ដើម្បីផ្ទៀងផ្ទាត់អាស័យដ្ឋានរបស់អ្នកដែលត្រូវបានចុះនៅក្នុងកិច្ចព្រមព្រៀងជួញដូរ។ ដោយហេតុនេះ សូមផ្តល់អាស័យដ្ឋានស្នាក់នៅរបស់អ្នក។

តើព័ត៌មានអ្វីគួរត្រូវបានបញ្ចូលក្នុងរបាយការណ៍ប័ណ្ណឥណទាន/ឥណពន្ធ?

រាល់របាយការណ៍ដែលផ្តល់អោយក្រុមហ៊ុន ត្រូវតែដូចគ្នានឹងប័ណ្ណឥណទាន/ឥណពន្ធដែលត្រូវបានប្រើប្រាស់ដើម្បីដាក់ប្រាក់របស់អ្នក ទៅក្នុងប្រតិបត្តិគណនី។ របាយការណ៍ត្រូវតែជាឯកសារដែលចេញនាពេលថ្មីៗ(ក្នុងរយៈពេល ៦ ខែចុងក្រោយ) និងត្រូវតែបង្ហាញពីនាមត្រកូល និងនាមខ្លួនរបស់ម្ចាស់ប័ណ្ណ រួមជាមួយនឹងលេខប័ណ្ណ ៤ ខ្ទង់ចុងក្រោយ។ អាសយដ្ឋាននៅលើរបាយការណ៍ត្រូវតែដូចគ្នានឹងអាសយដ្ឋាននៅលើពាក្យសុំ (ការផ្ញើតាមប្រអប់សំបុត្រនឹងមិនត្រូវបានទទួលយកឡើយ)។ ប្រាក់របស់អ្នកនឹងមិនត្រូវបានដាក់ឡើយ រហូតទាល់តែឯកសារចាំបាច់ទាំងអស់ត្រូវបានទទួលដោយក្រុមហ៊ុន ហ្គោលដេន អេហ្វអិកស៍ លីង ឃែភីថល ឯ.ក ។

តើខ្ញុំអាចប្រើប្រាស់ប័ណ្ណបើកបររបស់ខ្ញុំជាភ័ស្តុតាងបញ្ជាក់អត្តសញ្ញាណ និងអាសយដ្ឋានបានដែរឬទេព្រោះវាក៏បង្ហាញអាសយដ្ឋានរបស់ខ្ញុំ?

យើងត្រូវការឯកសារពីរដាច់ពីគ្នាដើម្បីគោរពតាមបញ្ញត្តិពាក់ព័ន្ធនៅក្នុងលិខិតបញ្ជាក់អត្តសញ្ញាណ។ អ្នកអាចប្រើប្រាស់ប័ណ្ណបើកបររបស់អ្នក ដើម្បីបញ្ជាក់អត្តសញ្ញាណ ឬអាសយដ្ឋានបាន ប៉ុន្តែមិនអាចបញ្ជាក់ទាំងពីរបានឡើយ។ ប្រសិនបើអ្នកចង់ប្រើប្រាស់ប័ណ្ណបើកបររបស់អ្នកជាលិខិតបញ្ជាក់អាសយដ្ឋានប័ណ្ណបើកបររបស់អ្នក ត្រូវតែបង្ហាញពីឈ្មោះអាសយដ្ឋាន និងថ្ងៃខែឆ្នាំកំណើតរបស់អ្នក (ដែលនៅមានសុពលភាព)។

ដាក់ប្រាក់ និងដកប្រាក់

តើអាចមានការគិតថ្លៃសេវាលើការដាក់ប្រាក់តម្កល់របស់ខ្ញុំឬទេ?

យើងមិនមានគិតថ្លៃសេវាលើការដាក់ប្រាក់តម្កល់របស់អតិថិជនឡើយ។ យើងសូមណែនាំអ្នកឲ្យទាក់ទងទៅកាន់ធនាគាររបស់អ្នក ឬការីធនាគារដើម្បីស្វែងយល់ ថាតើអាចមានការគិតថ្លៃដែរឬទេ?

តើត្រូវចំណាយពេលប៉ុន្មានដើម្បីដាក់ប្រាក់នៅក្នុងគណនីជួញដូររបស់ខ្ញុំ?

ការដាក់ប្រាក់តាមការផ្ទេរតាមប្រព័ន្ធធនាគារធនបត្រ និងប័ណ្ណឥណទានជាទូទៅនឹងត្រូវបានដាក់ចូលក្នុងគណនីក្នុងរយៈពេលមួយថ្ងៃនៃថ្ងៃធ្វើការ។ ជាទូទៅ មូលប្បទានបត្រផ្ទាល់ខ្លួនត្រូវការពេលពីរថ្ងៃនៃថ្ងៃធ្វើការក្រោយពេលបានទទួល។

តើប្រាក់តម្កល់ប្រភេទណាខ្លះអាចត្រូវបានចាត់ទុកជា “ប្រាក់កក់ភាគីទីបី” ?

ប្រាក់តម្កល់ពីគណនីផ្សេងពីគណនីរបស់ម្ចាស់គណនីនឹងត្រូវបានចាត់ទុកថាជា “ប្រាក់តម្កល់ភាគីទីបី” ។ និយមន័យនេះក៏មានភាពសមស្របសម្រាប់ប្រាក់ដែលត្រូវបានដាក់ទៅក្នុងគណនីរបស់ក្រុមហ៊ុនពីគណនីរបស់បុគ្គល និងស្ថានភាពស្រដៀងគ្នានេះផងដែរ។

តើក្រុមហ៊ុន ហ្គោលដេន អេហ្វអិកស៍ លីង ឃែភីថល ឯ.ក នឹងទទួលយកប្រាក់តម្កល់ភាគីទីបីដែរឬទេ?

ទេ។ ក្រុមហ៊ុន ហ្គោលដេន អេហ្វអិកស៍ លីង ឃែភីថល ឯ.ក មិនទទួលយកការដាក់ប្រាក់តម្កល់ ឬការដកប្រាក់ពីភាគីទីបីឡើយ ។ យើងមិនអាចធានាថា យើងអាចទទួលយកការដាក់ប្រាក់របៀបនេះ ហើយយើងក៏មិនអាចធានានូវការបង្វិលសងវិញឡើយ។

តើខ្ញុំអាចដាក់ប្រាក់តាមរយៈគ្រឹះស្ថានប្តូរប្រាក់បានដែរឬទេ?

ក្រុមហ៊ុន ហ្គោលដេន អេហ្វអិកស៍ លីង ឃែភីថល ឯ.ក មិនទទួលយកប្រាក់ដែលត្រូវបានដាក់តាមរយៈគ្រឹះស្ថានប្តូរប្រាក់ឡើយ។ ដោយសារគ្រឹះស្ថានហិរញ្ញវត្ថុប្រភេទនេះត្រូវបានចាត់ទុកជា “ប្រភេទមានហានិភ័យខ្ពស់” ដែលពាក់ព័ន្ធនឹងសកម្មភាពលាងប្រាក់។ ប្រាក់ដែលត្រូវបានដាក់តាមរយៈវិធីនេះនឹងត្រូវបានបង្វិលសងវិញក្រោយពេលត្រូវបានទទួល។

តើត្រូវចំណាយពេលប៉ុន្មានដើម្បីដាក់ប្រាក់ទៅក្នុងគណនីជួញដូររបស់ខ្ញុំតាមរយៈការផ្ទេរ?

ការផ្ទេរតាមប្រព័ន្ធក្នុងស្រុក ជាទូទៅត្រូវការពេលវេលា ១ ទៅ ២ ថ្ងៃនៃថ្ងៃធ្វើការ ចំណែការផ្ទេរជាអន្តរជាតិ ជាទូទៅត្រូវការពេលវេលា ៣ ទៅ ៥ ថ្ងៃនៃថ្ងៃធ្វើការ។ សូមអានក្រាហ្វិកខាងក្រោម ដើម្បីយល់ថាតើការផ្ទេរមួយណានឹងត្រូវបានចាត់ទុកថាជាការផ្ទេរក្នុងស្រុក៖
1.ការផ្ទេរក្នុងស្រុកមានន័យថា គណនីធនាគាររបស់អ្នកផ្ទេរ និងអ្នកទទួលស្ថិតនៅក្នុងតំបន់យុត្តាធិការតែមួយ។
2.ការផ្ទេរជាអន្តរជាតិមានន័យថា គណនីធនាគាររបស់អ្នកផ្ទេរ និងអ្នកទទួលស្ថិតនៅក្នុងតំបន់យុត្តាធិការផ្សេងគ្នា។

តើខ្ញុំដកប្រាក់របស់ខ្ញុំដោយរបៀបណា?

ការដកប្រាក់ពីក្រុមហ៊ុន ហ្គោលដេន អេហ្វអិកស៍ លីង ឃែភីថល ឯ.ក មានភាពងាយស្រួល និងឆាប់រហ័ស។ អ្នកអាចដាក់សំណើសុំដកប្រាក់តាមអនឡាញដើម្បីភាពងាយស្រួលក្នុងការដកប្រាក់របស់អ្នក។ ដើម្បីដកប្រាក់ សូមចូលទៅមជ្ឈមណ្ឌលសេវាបម្រើអតិថិជន។ ជ្រើសរើសវិធីដកប្រាក់រួចចុចលើ “បញ្ជូន” ដើម្បីដាក់សំណើដកប្រាក់តាមអនឡាញរបស់អ្នក។ វិធីផ្សេងទៀតក្នុងការដកប្រាក់ គឺតាមរយៈការបញ្ជូនទម្រង់បែបបទដកប្រាក់ទៅ enquiry@goldenfxlink.com។ យើងនឹងចាត់ចែងសំណើដកប្រាក់តាមអនឡាញរបស់អ្នកអោយរហ័សតាមដែលអាចធ្វើទៅបានក្នុងរយៈពេល ១ ទៅ ២ ថ្ងៃ។ ប្រសិនបើអ្នកមានសំណួរ សូមទំនាក់ទំនងទៅកាន់អ្នកប្រឹក្សាហិរញ្ញវត្ថុរបស់អ្នក ឬមន្រ្តីបម្រើសេវាអតិថិជនរបស់យើងខ្ញុំ។

ដំណោះស្រាយល្អបំផុតសម្រាប់សំណួររបស់អ្នក

ចូល

ការចូលប្រើឈ្មោះរបស់អ្នកប្រើ និងពាក្យសម្ងាត់របស់លោកអ្នក: